Artan Hoxha e thotë troç: Këto janë arsyet që e çuan Xhafën të jepte dorëheqjen

Dyshime të shumta janë hedhur në lidhje me dorëheqjen e papritur të ish ministrit të Brendshëm Fatmir Xhafaj.

Për këtë çështje ende të paqartë ka folur mbrëmjen e djeshme gazetari Artan Hoxha, sipas së cilit, marrëdhënia midis Xhafajt dhe Ramës është e ndarë në dy faza.

Ai u shpreh:

Kur shpërtheu ngjarja me Babalen, filloi faza e dytë e marrëdhënies midis atyre të dyve. Ka pasur një seri operacionesh, që goditën grupet kriminale, që kishin lidhje me Partinë Socialiste. Xhafaj e ndërpreu detyrën siç bëri De Biazi. I kuptoi rrethanat, ku ndodhej. Iku si De Biazi, pas fitores. Edhe ai fitoi dhe iku edhe Xhafaj këtë bëri".

Ai theksoi se Fatmir Xhafaj iku në një moment, kur ishte në ngritje pas “Babales” dhe Fredi Alizotit.

Sipas Artan Hoxhës, Xhafaj iku në mjegull, nuk tregoi arsyet, ndaj kjo u lë mundësi të gjitha palëve ta përdorin si të duan, ikjen e tij.