Çfarë po ndodh me median shqiptare, gazetarët më të mirë i dorëzohen lekut

Lëvizje të mëdha pritet të ndodhin në botën e televizionit në vendin tonë me nisjen e sezonit të ri televiziv.

Sezoni i ri i cili nis në Shtator do të sjell ndryshime në ekran, rikthime por edhe lëvizje nga një television në tjetrin.

Ndër lëvizjet më të bujshme është ajo e Ilva Tares, e cila duket se do të lërë ‘Ora News” ku prej vitesh drejton emisionin “Tonight Ilva Tare” dhe është drejtore e informacionit në këtë Televizon.

Tare pritet që të drejtojë departamentin e informacionit në televizionin më të ri në vend, CNN.

Gjithashtu një rikthim i shumëpritur do të jetë ai i Rudina Xhungës, e cila pritet të shfaqet në ‘News 24” me një emission ndryshe nga herët e tjera, e që do t’i zërë vendin Eni Vasilit, dhe do të jetë fytyra kryesore e ekranit.

Vasili pas shumë vitesh në News 24, me emisionin “Studio e Hapur” pritet që ta drejtojë emisionin “Top Story” në Top Channel.


Nga ana tjetër gjigandit CNN, pritet t’i bashkohet edhe Sonila Meço e cila dikur ka qenë fytyra kryesore e top channel e Agon Channel.

Genta Popa, spikerja e lajmeve në Top Channel gjithashtu do të kalojë në CNN.
Burimi: 24.al