Pakujdesia e prindërve, 2 vjeçari ngec në tenxheren me presion

Muhammad, fëmija i vogël i familjes Turan në Turqi filloi të luante në kuzhinë kur prindërit ishin në gjumë.

Këmbët e tij të vogla nuk po dilnin prej tenxheres dhe vogëlushi “shpërtheu” në të qara.

Prindërit e tij telefonuan zjarrfikësit që e shpëtuan pa lëndime 2-vjeçarin duke përdorur pajisje prerëse.

Operacioni zgjati 1 orë e gjysmë dhe në vend arriti ambulanca që të kujdesej për problemet e tij shëndetësore.

Babai i djalit është shprehur:

"Si mund të futet fëmija brenda një pajisje gatimi? Unë me partneren time u përpoqëm ta nxirrnim, por nuk ia dolëm. Nuk donim ta lëndonim prandaj telefonuam grupin e zjarrfikësve dhe ambulancën. Kur erdhën, më thanë se gjithçka do zgjidhet. U qetësova por kisha panik se djali qante dhe kishte frikë. Nuk ndodhi asnjë dëmtim pasi zjarrfikësit u kujdesën shumë mirë për të”.