Kryebashkiaku qëllohet me snajper në mes të qytetit

U bë i njohur për ekspozimin e rrjeteve të drogës, por një kryebashkiak në Filipine u qëllua dhe u vra nga një snajper në një ceremoni në qëndrën e qytetit Tanauan ditën e djeshme.

Antonio Halili u vra nga një goditje e vetme në gjoks nga një snajper, ndërkohë që pamjet nga vendngjarja tregonin skena paniku.
Halili shihet duke qëndruar me punonjësit e qeverisë, duke ngritur një flamur, ndërkohë që pjesëmarrësit filluan të këndojnë himnin kombëtar.

Ndërsa kamera largohet për të filmuar një grup tjetër, dëgjohet një goditja fatale, e ndjekur nga britmat e bashkëshortes se tij.