Çfarë po kurdisin Ermal Mamaqi dhe Elvana Gjata në Francë?

Menjëherë pasi ka përfunduar koncertin e saj në qendër të Prishtinës, ku mijëra fansa dhe admirues të muzikës së saj e ndoqën nga afër performancën e Elvana Gjatës, ku gjithçka rezultoi një sukses, këngëtarja ka "flutuar" drejt Evropës. Fillimisht ka qenë Vjena, destinacioni i parë ku ajo ka ndaluar, e më pas qyteti i Nice në Francë.

Me sa duket, ajo nuk ka qenë vetëm në këtë udhëtim, por e shoqëruar nga çifti i njohur Amarda Toska dhe Ermal Mamaqi. Përmes videosh dhe fotosh respektive në profilet e të tre personazheve të famshëm të showbiz-it shqiptar, duket se ata kanë zgjedhur të akomodohen në të njëjtin hotel dhe të frekuentojnë të njëjtat vende në Francë. Saktësisht ne nuk e dimë nëse ky ka qenë një udhëtim pune për ta, apo thjesht një pushim i vogël për t'ju larguar rutinës dhe angazhimeve të përditshmërisë.