Reklamo biznesin tënd këtu:

test

LAJMI I FUNDIT:

Post Top Ad

Your Ad Spot

Tuesday, June 26, 2018

UFO në qiellin e Elbasanit. Ja prova

Ekzistenca e UFO-ve nuk është vërtetuar asnjëherë, mirëpo ka shumë njerëz në botë që thonë se i kanë parë e madje disa prej tyre kanë fotografuar objekte që ngjajnë me to.

Në fakt UFO është shkurtim për Unidentified Flying Object, që në shqip do të thotë Objekt Fluturues i Paidentifikuar dhe një i tillë pretendohet se ka zbritur mesnatën e së shtunës mbi Elbasan.

Një 74-vjeçar nga ky qytet thotë se rreth orës 03:45 të së shtunës ka fotografuar tre objekte misterioze të shfaqura në qiell.

Sabaudin Skilja ka treguar për Balkanweb:

''Kisha dëgjuar nga të tjerë për eksperienca nga më të çuditshmet por që do e përjetoja edhe vetë një të tillë gjatë jetës sime ende nuk po e besoj. Në agimin e së shtunës kur dola në ballkonin e vilës time në lagjen ‘Kala’ në qytetin e Elbasanit pashë diçka të shndritshme në qiell që ngjante me një objekt në formë disku me dritë të verdhë si në të bardhë që valëzonte në ajër. E gjithë kjo skenë magjike dhe e mrekullueshme po ndodhte mbi hapësirën në zonën ku ndodhen Bashkia, Prefektura dhe Këshilli i Qarkut Elbasan, ndërsa drejtimi i lëvizjes ishte nga Bregdeti i Adriatikut.
Nuk pata kohë t’i filmoja por me shpejtësi munda të bëj disa foto ku kam fiksuar objektet misterioze në formë disku mbi ish-turizmin. Ishte diçka interesante dhe mjaft emocionuese.Kam lexuar e dëgjuar shumë rreth UFO-ve dhe besoj se fati e solli që t’i shoh vetë me sytë e mi. Ishin tri disqe me përmasa të ndryshme. Njëri prej tyre ishte mjaft i madh. Dy të tjerët më të vegjël. Fillimisht u hutova nga ajo që po shihja me sy. Ndriçonin shumë dhe gjithçka dukej qartë. Por kjo zgjati fare pak. Mezi e mblodha veten dhe arrita t’i fotografoj me një aparat modest për të siguruar një dëshmi të asaj që përjetova. Disqet fluturues dhe të shndritshëm lëvizën me shpejtësi në drejtim të zonës së bregdetit të Adriatikut. Ishte një përjetim interesant sa hap e mbyll sytë. Edhe një herë e them me bindje që pashë UFO-t që dhuruan spektakël mbi Elbasan në 03:45 të së shtunës."

Sabaudini i cili ka ushtruar gjithmonë profesionin e teknikut të ndërtimit ka treguar se gjatë kësaj fundjave ka lexuar e ka pyetur për ekzistencën e UFO-ve pareshtur  dhe është i bindur se ata ekzistojnë.

No comments:

Post a Comment

Post Top Ad

Your Ad Spot