“U zbrazën karikatorë, gjaku mbushi rrugën”, gazetarja tregon skenën e frikshme në Tiranë

Një konflikt i armatosur ka ndodhur gjatë natës që lamë pas në zonën e Kinostudios në Tiranë, në një pikë basti. Si pasojë, dy persona ngelën të plagosur.

Me shpejtësi në vendngjarje ka shkuar gazetarja Dorjana Bezat, e cila ka raportuar live, ndërsa para syve të saj zhvillohej një luftë e vërtetë me armë.

Ajo shkruan se krimin e kishte përballë, ndërsa policia nuk dukej gjëkundi.

Gazetarja e "News 24" shkruan:

Kjo këtu jam unë. Në rrugën përballë meje ndodhi një luftë e vërtetë. U zbrazën karikatorë e plumbat mbushën rrugën. Gjaku po ashtu. Unë aty. Krimi përballë. Policia? Hiçgjëkund!".