Gramsh/ Dhunon me shkop gome kunatën, pse nuk i kishte dhënë ujë lopës!

Një 47-vjeçar nga Gramshi ka goditur me mjete të forta kunatën e tij, motrën e gruas. Kjo e fundit ka bërë denoncimin në polici. Menjëherë policia ka vepruar dhe ka bërë të mundur arrestimin e 47 vjeçarit, Guri Buzani, banues në fshatin “Bërsnik”, Njësia Administrative Kodovjat, Gramsh.

Në njoftimin e policisë thuhet se shtetasi Guri Buzani në fshatin “Bërsnik”, për motive të dobëta ka goditur me mjete të forta kunatën e tij (motrën e gruas), shtetasen H.L., 51 vjeçe, banuese po në fshatin Bërsnik. Sipas burimeve te para komshinjtë tregojnë se shkak ka qenë edhe lopa ku kunata nuk i kishte dhënë ujë. 

Materialet i kaluan Prokurorisë Elbasan, për veprën penale ” Dhuna në Familje”.