Reklamo biznesin tënd këtu:

test

LAJMI I FUNDIT:

Post Top Ad

Your Ad Spot

Monday, December 4, 2017

Skandal/ Zhduken mistershëm 3 dosje në Prokurorinë e Elbasanit, policia nuk di kë të arrestojë

Tre dosje me materiale për hetimin e korrupsionit janë zhdukur nga Prokuroria e Elbasanit. Ajo që ka bërë denoncimin është Prokurorja Amanda Xhaferri, e cila kishte konstatuar që në zyrën e saj ishin marrë dokumente.

Por policia nuk konstatoi dhunim të zyrës së prokurores dhe deklaroi se as dera dhe as dritarja nuk janë hapur forcërisht.

Specialistët për hetimin e Krimit Ekonomik dhe Financiar pranë Drejtorisë së Policisë Elbasan, referuan në Prokurorinë e Tiranës materialet për veprën penale “Shpërdorim detyre” dhe “zhdukje ose humbje e fashikullit”.
Në njoftimin e policisë mësohet se fashikujt e zhdukur ishin materiale të task forcës për hetimin e korrupsionit. Ndërkohë misterin e shton prokuroria, e cila mohon ngjarjen.

Burime zyrtare pranë Prokurorisë së Elbasanit bëjnë me dije se nuk ka materiale të humbura dhe çdo gjë është e dokumentuar me procesverbal.
Për më tepër, të njëjtat burime i thanë Top Channel se policia nuk ka asnjë kompetencë për të shpallur moskompetencën e një çështjeje dhe t’ia kalojë atë Prokurorisë së Tiranës, siç ka bërë Policia e Elbasanit.


Një kompetencë të tillë, thonë burimet, e ka vetë prokuroria dhe gjykata. Ajo që shton dyshimet në këtë çështje është përmbajtja e materialeve të zhdukura, apo të pretenduara të tilla. 

No comments:

Post a Comment

Post Top Ad

Your Ad Spot