Shqiptari vdes në një aksident tragjik në Itali, po udhëtonte me motorr

Një aksident i rëndë rrugor i ka marrë jetën një shqiptari, në Itali.

Ngjarja tragjike ka ndodhur në rrugën “Diversivo Acquachiara”, ku 34-vjeçari shqiptar është përplasur nga një kamion.

Mediat italiane raportojnë se ai ishte duke udhëtuar me një skuter, në momentin që u përlas për vdekje nga kamioni.

Përplasja rezultoi fatale për shqiptarin, i cili ndërroi jetë menjëherë në vendin e ngjarjes.

Dinamika e ngjarjes po rindërtohet nga policia në Fondi, të cilët po hetojnë për shkaqet e aksidentit. Emri i shqiptarit nuk bëhet publik.