Shoferi përplas dy gra që po kalonin rrugën, njëra vdes në spital tjetra e plagosur rëndë

Disa minuta më parë është bëjë me dije se në hyrje të fshatit Podgorie, Maliq ka ndodhur një aksident i rëndë ku është shënuar një viktimë.

Një person me inicialet J.K i cili drejtonte mjetin tip “NISSAN” me targa NZY7994 ka aksidentuar 2 kalimtare.

Një grua me inicialet S.Ç 65 vjeçe ka ndërruar jetë pak pas mbërritjes në spital pasi nuk ka mundur t’i rezistojë plagëve të marra. Një tjetër 70-vjeçare me iniciale B.Xh është transportuar për në spital dhe është mësuar se ndodhet në gjendje të rëndë shëndetësore.

Drejtuesi i mjetit po shoqërohet për në komisariat, ndërkohë që grupi hetimor po punon për zbardhjen e rrethanave të aksidentit.Informacion paraprak:

Më datë 01.10.2017, jemi njoftuar se hyrje të fshatit Podgorie shtetasi J.K, duke drejtuar mjetin tip “NISSAN” me targa NZY7994 ka aksidentuar shtetaset S.Ç, rreth 65 vjeçe dhe B.Xh, rreth 70 vjeçe, banuese në Podgorie, kalimtare në rrugë.

Shtetaset e mësipërme janë trasportuar në Spitalin e Pogradecit për ndihmë mjekësore, ku shtetasja S.Ç, pak minuta pas mbërritjes ka ndërruar jetë, ndërsa B.Xh aktualisht ndodhet në gjendje të rëndë shëndetësore.

Drejtuesi i mjetit, po shoqërohet në ambjentet e Komisariatit për veprime të mëtejshme.

Grupi hetimor po punon për të përcaktuar rrethanat e shkaqet e aksidentit.