Rrahën vëllezërit binjakë për parkimin e furgonit, arrestohen tre policë bashkiakë

Tre punonjës të policisë bashkiake janë vënë në prangat e policisë, të akuzuar se kanë rrahur dy vëllezër binjak.

Ngjarja ka ndodhur në Rrogozhinë këtë të premte, ku policët e vënë nën akuzë janë Ruzhdi Juba, 54 vjeç, Qamil Canaj, 59 vjeç dhe Enver Qepa, 42 vjeç, banues në Rrogozhinë, me detyrë punonjës i policisë bashkiake.

Arrestimi i tyre u bë pasi në lagjen nr.1, Rrogozhinë, së bashku me shoferin e një fugoni, 26-vjeçarin R.J., kanë kryer veprime arbitrare, duke mos lejuar të parkojë në stacionin e fugonave, subjektin e transportit publik interurban, duke ushtruar dhunë fizike ndaj shoferit E.D., 28 vjeç dhe faturinos E.D., 28 vjeç, vëllezër.

Krahas policëve bashkiak të arrestuar, nisi procedimi penal në gjendje të lirë për shoferin e furgonit R.J., 26 vjeç, banues në Tiranë.

Lidhur me këtë rast hetimet janë në vijim, ndërkohë që materialet iu referuan Prokurorisë së Kavajës për veprat penale “Kryerja e veprimeve arbitrare në bashkëpunim” dhe “Plagosje e lehtë me dashje”.