Reklamo biznesin tënd këtu:

test

LAJMI I FUNDIT:

Post Top Ad

Your Ad Spot

Wednesday, October 25, 2017

Basha reagon sërish për Tahirin: Rama të ndalë sulmet ndaj prokurorëve

Basha reagon sërish për Tahirin: Rama të ndalë sulmet ndaj prokurorëve

Kreu i PD-së Lulzim Basha komenton deklaratat e Zëvendës Ndihmës Sekretarit amerikan Hoyt Brian Yee për çështjen e Saimir Tahirit.

Basha shkruan se duke përshëndetur deklaratën e Zëvendës Ndihmës Sekretarit Hoyt Brian Yee, inkurajon prokurorët, gjykatësit dhe të gjithë punonjësit e drejtësisë që të mos ndikohen e mos tremben nga asnjë presion politik.
DEKLARATA E BASHËS
Deklaratë e qeverisë amerikane është e qartë: askush nuk është mbi ligjin, askush nuk duhet të gëzojë imunitet nga ligji, prokurorët dhe gjykatësit duhet t’i shkojnë deri në fund çështjes, është përgjegjësi e qeverisë të tregojë me vepra se është kundër krimit dhe korrupsionit.
Duke përshëndetur deklaratën e Zëvendës Ndihmës Sekretarit Hoyt Brian Yee, i inkurajoj fuqimisht prokurorët, gjykatësit dhe të gjithë punonjësit e drejtësisë që të mos ndikohen e mos tremben nga asnjë presion politik dhe të mos ndalen as të shkurajohen por të punojnë me kurajo profesionale dhe përkushtim atdhetar deri sa të nxjerrin të vërtetën dhe të bëjnë drejtësi në çështjen Tahiri.
Është momenti që Rama dhe shumica në pushtet të ndalin sulmet dhe kërcënimet ndaj prokurorëve, gjykatësve, dhe dëshmitarëve, të cilat kanë dëmtuar bërjen e drejtësisë në rastin Tahiri, dhe besueshmërinë e popullit se politikanët nuk janë mbi ligjin. Pandëshkueshmëria e politikanëve duhet të marrë fund.
Propagandën dhe llomotijtet në havà për drejtësinë nuk i beson më askush. Sot qytetarët presin të shohin me vepra se politikanët përgjigjen para ligjit dhe dënohen kur shkelin ligjin. 

No comments:

Post a Comment

Post Top Ad

Your Ad Spot