Dalin detaje nga plagosja e katërfishtë, e ndodhur pasditen e së të premtes në një lokal në zonën e Laprakës në kryeqytet.
Si autorë të ngjarjes janë shpallur në kërkim dy vëllezër.Më konkretisht rreth orës 18:30 minuta, në rrugën “Gjergj Legisi”, në zonën e “Laprakës” u plagosën me armë zjarri Elion Lekaj, 31 vjeç, Bujar Mrishaj, 31 vjeç, Bledar Gosturani, 33 vjeç dhe Avni Biberi, 46 vjeç.
Si të dyshuar për ngjarjen janë shpallur në kërkim vëllezërit Arben Seferi dhe Astrit Seferi.
Mësohet se Arben Seferi gjatë së enjtes ishte konfliktuar me 31-vjeçarin Elion Lekaj, dhe pasditen e djeshme i dyshuari kishte shkuar pranë lokalit të 31-vjeçarit ku nisi të qëllojë me armë.
Krahas Lekaj, tre të plagosurit e tjerë janë klientë të rastësishëm të lokalit.Arben Seferi është ndikuar nga vëllai i tij Astriti, për t’u larguar nga vendi i ngjarjes, duke u shpallur në kërkim që të dy.
Ndërkohë, fatmirësisht katër të plagosurit pas ndihmës së marrë, ndodhen jashtë rrezikut për jetën
No comments:
Post a Comment