Përrenjas/11 firma shfrytëzuan 424 hektarë pyje pa kontratë në Qukës, Rrajcë/ Pronarët: "I kemi marrë tokat me qera"

Raporti i KLSH: Nuk u arkëtua qiraja me vlerën 383 milion lekë nga bashkiaShfrytëzimi pa kriter i pyjeve në zonën e Librazhdit është bërë shpesh pjesë e denoncimit nga ana e banorëve por edhe shoqatave mjedisore. Institucionet vendore kanë dhënë leje shfrytëzimi madje pa vjelur edhe qeranë. Rasti i Bashkisë Prrenjas është bërë publik nga Kontrolli i Lartë i Shtetit.

 11 subjekte që kishin marrë në përdorim 424 hektarë pyje dhe kullota për shfrytëzim në bashkinë e Prrenjasit nuk kanë paguar qiranë që kap një vlerë prej 383 milion lekësh. Sipas auditimit të vitit 2016 ka rezultuar se në ish-komunat Rrajcë dhe Qukës është konstatuar se kryejnë aktivitet shfrytëzimi karriere 11 subjekte, të cilat kanë në përdorim sipërfaqe pyjore dhe kullosore. Sipas raportit për këto subjekte nuk janë lidhur kontrata qiraje për ato që kanë në përdorim për llogaritjen dhe pagesën e qirasë.

Këto sipërfaqe i kanë kaluar me Vendim të Këshillit të Ministrave njësive vendore dhe si pasojë kanë sjellë një mungesë të ardhurash me efekt negativ në buxhet me vlerën 383,746,864 lekë.KLSH pas mbylljes së këtij raporti i ka rekomanduar bashkisë Prrenjas, që në bashkëpunim me njësitë administrative të marrë masa për evidentimin e sipërfaqeve pyjore dhe kullosore të shfrytëzueshme nga subjektet private.

 Po kështu institucioni vendor duhet të lidhë kontrata qiraje para noterit në përputhje me udhëzimet përkatëse duke arkëtuar edhe detyrimet e këtyre subjekteve ndaj institucionit vendor.

Burime nga institucioni vendor konfirmojnë se po punohet për realizimin e rekomandimeve të KLSH. “Subjektet që nuk kanë lidhur kontratë janë në proces pezullimi aktiviteti”, thuhet ne deklaraten e bashkisë Përrenjas.Banorë të zonës së Prrenjasit kanë denoncuar shfrytëzimin e  paligjshëm lëndës drusore në Zonën e Mbrojtur të Rrajcës. Sipas burimeve të prokurorisë dhe policisë nuk ka një denoncim për këto raste.

Në të njëjtin raport auditimi KLSH ka bërë kallëzim penal për tre punonjës të ish-komunës Qukës nën akuzën shpërdorim detyre, shkelje e barazisë në tendera.