Kërcënon se do të hidhet, 53-vjeçari ka hipur në një shtyllë tensioni

Një person në Domje të Tiranës kërcënon se do të hidhet nga lartësia e një shtylle të tensionit të lartë.

Mustafa Plaku, 53 vjeç, banues në Arapaj të Durrësit, që prej orës 10 ndodhet në shtyllë duke kërcënuar se do të ndërmarrë aktin e rëndë.

Policia e Tiranës sqaron se nga kontaktet që ka pasur me gruan e 53-vjeçarit, ajo ka thënë se kanë probleme me pronat.

Shërbimet e policisë janë në vendin e ngjarjes për të negociuar me burrin për t’u ulur poshtë.