Kërcënon ministrja serbe e drejtësisë: Kosovën do ta izolojmë nga te katërtat anët

Nela Kuburoviç, ministrja serbe e drejtësisë, kërcënon dhe shprehet sot se Serbia do të bëjë gjithçka që është e mundur, në mënyrë që të parandalojë hyrjen e Kosovës në Interpol.

Sipas mediave serbe, ajo shpjegoi se autoritetet e Kosovës mund të vendosin për aktakuza, por ata nuk mund të lëshojnë urdhër-arreste, pasi nuk janë anëtarë të Interpolit.

Nga ana tjetër, komiteti ekzekutiv i INTERPOL-it ka vendosur që aplikimin e Republikës së Kosovës për anëtarësim në INTERPOL ta vejë në axhendën e Asamblesë së Përgjithshme, e cila do të zhvillohet në Pekin në datat 26 deri më 29 shtator 2017.