Elbasan/ Romët rrethojnë bashkinë, por përgjigja që marrin i pret fare

Romët që tregtojnë përgjatë rrugës së sportit të vjetër në Elbasan janë hedhur sot në protestë. Shkak është bërë një urdhër i bashkisë që i njofton ata se duhet të lirojnë menjëherë trotuaret dhe hapësirat publike dhe të shkojnë të tregtojnë në tregje të liçensuara.

Por romët nuk janë dakord. Ata kanë protestuar para bashkisë dhe kanë kërkuar zgjidhje.

Romët shprehen se janë të vetëpunësuar, se nuk përfitojnë as ndihma, as mbështetje dhe as përkrahje të tjera dhe se janë të zhytur në borxhe. Me këtë aktivitet ata mbajnë familjet.

Ka reaguar menjëherë bashkia Elbasan që i ka prerë me përgjegjën e dhënë. Kryeinspektori i policisë bashkiake Dritan Ekmekçiu u shpreh se një tregti e tillë do të marrë fund dhe se do të lirohen trotuaret dhe hapësirat publike.

Ai nënvizoi se ekzistojnë dy tregje të liçensuar, një tek Ura e Shkumbinit, dhe një tek Stadiumi. Këto tregje, sipas tij, kanë hapësira të nevojshme. Ndaj nuk do të lejohet më tregtimi nëpër rrugë. Megjithatë kryeinspektori u la afat romëve që të marrin masa deri në shpërnguljen tek tregjet e liçensuara. 

Infoelbasani.al