Elbasan/ Blen vjetërsira në tregun rom, gjen atë që se kishte imagjinuar kurrë

Ishte e fiksuar pas rrobave në tregun e vjetërsirave dhe shkonte pothuaj çdo ditë. Ky ves, në këto vite është shoqëruar edhe kosto financiare, e madje ishte kthyer në konflikt për shtëpinë.

Por E.B me banim në Elbasan i ka rënë “llotaria rome” këto ditë. Si përherë, edhe këtë radhë ajo nuk po kthehej duar bosh.  Kishte blerë një xhaketë firmato për ta përdorur në dimër. Madje kishte zhvilluar edhe një debat me romen se nuk po ia ulte pak çmimin edhe pse ishte kliente e përhershme e saj, transmeton infoelbasani.al. “Po vjen dimri dhe xhaketat më ecin-i ka thënë romja. Plus e ke firmato e mos i bëj naze, se të rri në trup edhe mirë”.

E inatosur pak me çmin E.B. është kthyer në shtëpi. Ka vendosur që ta lajë, por i ka kontrolluar instiktivisht xhepat para se ta fusë në lavatriçe. Dhe su ka besuar syve. Në njërin xhep ka gjetur një unazë. Po. Një unazë të vërtetë dashurie. Argjend i bardhë me një gurë në kurorë, punuar bukur, ndoshta me porosi.