Cërrik/ Shkakton aksident dhe ikën nga vendi i ngjarjes, ja çfarë i gjen policia

Shkakton aksident dhe ia mbath por i bën më shumë keq vetes.

Specialistët për Krimet,  në Komisariatin e Policisë Cërrik , referuan materialet në Prokurori dhe po
punojnë për kapjen e  shtetasit K.C., 35 vjeç banues në Cërrik.

Ky shtetas, në aksin rrugor Elbasan- Cërrik në  Lagjen nr 2 “Cërrik”, duke drejtuar mjetin tip “Benz”, ka goditur  dy automjete.

Si pasojë, është dëmtuar pasagjerja e njërit prej mjeteve, shtetasja  E.SH., 33 vjeçe banuese në Belsh e cila ndodhet në spitalin e Elbasanit, jashtë rrezikut për jetën.

Drejtuesi i mjetit tip “Benz” pas aksidentit, ka braktisur mjetin dhe është larguar nga vendi i ngjarjes.