Xhyrë/ I vuri zjarrin pyllit në gjendje të dehur, ndjekje penale për 64-vjeçari

Proçedohet penalisht në gjëndje të lirë një shtetas i dyshuar  si autor i zjarrit në fshatin Xhyrë.

Specialistët  për Krimet, në Komisariatin e Policisë Librazhd, referuan materialet në Prokurori për proçedim penal në gjëndje të lirë në ngarkim të shtetasit H.F., 64 vjeç banues në fshatin Xhyrë.

Ky shtetas, dyshohet të jetë autor i zjarrit të ndodhur më datë 16.08.2017 në fshatin Xhyrë, pasi në gjëndje të dehur dyshohet ti ketë vënë zjarrin një sipërfaqe pyjore ku janë djegur rreth 20 m2 shkurre dhe  ferra.

Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Shkatërrimi i pronës me zjarr” parashikuar nga neni 151 i Kodit Penal.