Në kushte depresioni, i moshuari në Elbasan vetëvaret në banesë

Prej disa ditësh kishte shfaqur shqetësime, por askujt nuk i'a kishte marrë mendja atë që do bënte.  Në fshatin Shelcan të Elbasanit, është gjetur dy ditë më parë nga familjarët i vetëvarur me litar në një pemë pranë banesës së tij 75 vjeçari A.T.

Nga hetimet e kryera rezultoi se në trupin e të ndjerit nuk janë konstatuar dëmtime apo shenja dhune.  Gjithashtu mësohet se viktima njihej si një person i cili konsumonte vazhdimisht alkool.

 Paraprakisht dyshohet se 75- vjeçari i ka dhënë fund jetës për shkak të depresionit dhe nën efektin e alkoolit.  Materialet i kaluan prokurorisë së rrethit gjyqësor Elbasan për veprime të mëtejshme.