“Do digjemi së gjalli”, familja në Librazhd kërcënon nga dyqani që do të prishë bashkia

Bashkia e Librazhdit ka vendosur të shembë një dyqan përmes së cilit një familje e tërë ushqehet prej vitesh. Duke e parë si të vetmen mundësi për të fituar të ardhura dhe për të siguruar jetesën, familjarët janë shprehur të vendosur kundër vendimit të bashkisë.

Konkretisht bëhet fjalë për një kioskë gazetash, e cila është planifikuar të shembet.

Në shenjë proteste familja e cila ka të vetmen mundësi për të nxjerrë bukën e përditshme, janë ngujuar brenda duke mos lejuar policinë që të prishë kioskën.

Prindërit bashkë me dy fëmijët kanë marrë në duar shishë benzine dhe kërcënojnë se do të digjen nëse do iu prishet dyqani. Bashkia e Librazhdit nuk ka reaguar ende për këtë akt.